Муфтий ҳәзретиниң Қарақалпақстанға сапары

Бүгин Ѳзбекстан мусылманлары басқармасы баслығы, муфтий Усманхан Алимов, Дин ислери бойынша комитет баслығы Абдуғофур Аҳмедов ҳәм «Вақф» қайырқомлық фонды директоры Искандар Халилов Қарақалпақстан Республикасына келди. Ең дәслеп мийманлар, «Имам ийшан Муҳаммад» жаме мешитинде болып, ол жерде Халықаралық Ислам академиясының Қарақалпақстан Республикасы аймақлық филиалы болған қәнигелигин арттырыў орайы менен танысты.Қарақалпақстан Республикасы ҳәм Хорезм ўәлаятындағы имам-хатиблер, найып имамлар, диний тараў хызметкерлери, мәмлекетлик ҳәм жәмәәтлик шѳлкемлериниң хызметкерлери, жоқары ҳәм орта арнаўлы билимлендириў мәкемелериниң тараўға тийисли педагог кадрлары қайта таярлаўдан ѳтетуғын ҳәм қәнигелигин арттыратуғын орай ѳткен жылы июль айында Ѳзбекстан Республикасы Президентиниң 2018-жыл 16-апрельдеги “Диний-ағартыўшылық тараў хызметин түптен жетилистириў ис-илажлары ҳаққында”ғы бийлигине муўапық шѳлкемлестирилген еди.

Бел жерде муфтий ҳәзрет имам-ҳатиблер менен ушырасыў ѳткизди. Ушырасыўда диний тараўда әмелге асырылып атырған ислер ҳаққында сәўбет алып барды.Ушырасыў соңында «Вақф» қайырқомлық фонды тәрепинен Қураны кәрийм мусхафлары тапсырылды.Сондай-ақ, бүгин 3-декабрь Халықаралық майыплар күни мүнәсибети менен бир қатар имканияты шекленген пуқараларымызға «Вақф» фонды тәрепинен азық-аўқат ѳнимлери ҳәм саўғалар тапсырылды.Сапардаўамында муфтий ҳәзрет Нѳкис қаласындағы “Муҳаммад ибн Аҳмад ал-Беруний” орта арнаўлыислам билим журтында болып, билим журтының ең соңғы заманагѳй үлгиде жаңадан қурып питкерилген, бәрше талапларға жуўап беретуғын, ҳәмме қолайлықларға ийе болған таза оқыў жылынан баслап пайдаланыўға тапсырылған жаңа имараты пенен танысты.Билим журтының бас бинасы жанынан бой тиклеген жаңа 4 қабатлы жатақхана имараты жүзикке қас қойғандай бир-бирине жарасып тур.

Жаңа имаратта жатақхана (ҳәрбири еки адамлық), таҳәратхана (ҳәр бир ханада), ҳәр қабатта кир жуўыў ханалары, компьютер ханалары, 200 орынлық асхана, радиоузель, медпункт ҳәм 270 адамға мѳлшерленген намаз оқыў ханасы бар.Сондай-ақ, билим журты оқытыўшылары ҳәм талабалары менен ушырасыў шѳлкемлестирилип, онда мийманлар талабалар менен кеўилден сәўбет қурды.«Вақф» қайырқомлық фонды тәрепинен тѳрт талабаның шәртнама пуллары тѳлеп берилди.Муфтий ҳәзрет усындай кең имканиятларға ийе ҳәм бәрше қолайлықлар жаратылған медресе хызмети менен танысар екен, ең дәслеп бул неъматларғашүкиршилик билдириў кереклигин атап ѳтти. Келешекте усы билим журтынан илимине әмел қылатуғын, елине, халқына, динине мәп келтиретуғын Имам Бухарий, Имам Термизий, Имам Матуридий сыяқлы бабаларымызға мүнәсип талабалар жетисип шығыўын Аллаҳ таала тилеп, дуўа қылды.ӘДИЛ ЕРЕЖЕПОВРуўхыйлық ҳәм ағартыўшылық ислерибойынша директор орынбасары.

Бөлимлер