Нөксте «16 күн зорлыққа қарсы» акциясы даўам етпекте

25-ноябрьден баслап Өзбекстан бойлап ҳаял-қызларға зорлық ислетиўдиң алдын алыў бойынша «16 күн зорлыққа қарсы» акциясы старт алды. Жақында Нөкис қаласындағы Республикалық балалар жас өспиримлер спорт мектебинде усы акцияның 2019-жылдағы «Zorlıqsız shańaraq» ураны менен спорт илажи өткерилди. Онда сөзге шыққан спорт мектебиниң директоры  Улукбек Жуманиязов елимизде спорт тараўында жаратылған имканиятлар ҳаққында сөз етти.

Республика «Истиқболли авлод» социаллық-информациялық орайының Қарақалпақстан бөлими баслығы Наталья Абдуллаева өткерилип атырған илаждиң әҳмийети ҳаққында жыйналғанларға мағлыўмат берди. Спорт мектебиниң гимнастика менен шуғылланыўшы жас өспирим қызлары тәрепинен жыйналғанларға көркем шығыўлар қойып берилди.

Бөлимлер