Жаңа Өзбекстанды, әлбетте, жаслар менен бирге қурамыз!

Усы жылдың 6 февраль күни Қарақалпақстан Республикасында Жасларға тийисли мәмлекетлик сиясатты әмелге асырыў, бәнт болмаған жаслардыӊ нызамлы мәплерин қорғаў ҳәм олардыӊ бәнтлигин тәмийинлеў мақсетинде аймақларда жаслар менен ушырасыўлар өткериў графигине муўапық барлық район ҳәм қала сектор басшылары ҳәмде тийисли тараў ўәкиллери қатнасында бәнтлиги тәмийинленбеген ҳәмде шөлкемлеспеген жаслар менен ушырасыў өткерилди.

Өткерилген илаж барысында барлық район ҳәм қала Мәмлекетлик хызметлер орайлары хызметкерлери тәрепинен жасларға ҳәм аймақ турғынларына көшпели (мобиль) мәмлекетлик хызметлер көрсетилди.

Соның менен бирге жасларға Өзбекстан Республикасының “Исбилерменлик искерлиги еркинлигиниң кепилликлери ҳаққында”ғы Нызамы, Өзбекстан Республикасы Министрлер Кабинетиниң 2018-жыл 22-октябрь күнги 850-санлы қарары менен тастыйықланған “Жеке тәртиптеги исбилерменлер юридикалық шахс шөлкемлестирместен шуғылланыўы мүмкин болған жумыс түрлери”, тийисли хызметлерден пайдаланыў ушын орайға мүрәжат етиў мәдениятын қәлиплестириў ҳәмде мәмлекетлик хызметлерден пайдаланыў барысында усынылыўы зәрүр болатуғын ҳүжжетлер бойынша кеӊнен түсиниклер берилди.

Ушырасыўды жарытып барыўда ғалаба-хабар қураллары ўәкиллери қатнасды.

Сондай-ақ, жасларға тараўға байланыслы енгизилип атырған өзгерислер ҳаққында кеӊнен түсиниклер берилди.

        

Мәмлекетлик хызметлер агентлиги

Қарақалпақстан Республикасы басқармасы

Жәмәәтшилик ҳәм ҒХҚ менен байланыслар бөлими

Бөлимлер