Қозоғистон ҳукумати мамлакат бўйлаб бир қанча чекловлар ўрнатилишини эълон қилди

Қозоғистоннинг барча вилоятларида фавқулодда ҳолат жорий этиш тўғрисидаги фармонлар эълон қилинди. Чора-тадбирлар тўплами қуйидагилар:

1. 23.00 дан 7.00 гача мамлакатнинг барча ҳудудлари бўйлаб комендантлик соати жорий этилди;

2. Ички ишлар органлари бошлиқлари бошчилигида комендатуралар ташкил этилди;

3. Оммавий тадбирлар ўтказиш номаълум муддатга қадар тақиқланди;

4. Ҳаракат эркинлигини чекланади, шу жумладан, транспорт воситаларидан фойдаланиш бўйича ҳам чекловлар амалга оширилади;

5. Ҳар бир ҳудудга кириш ва чиқиш номаълум муддатга қадар тўхтатилди;

6. Мамлакат ҳудуди бўйлаб ҳужжатларни текшириш, шахсий тинтув, ашёлар ва транспорт воситаларини текшириш амалга оширилади;

7. Қурол-яроғ ва ўқ-дориларни сотиш тақиқланди, гиёҳвандлик воситалари ва алеоголь маҳсулотлари савдосига алоҳида режим ўрнатилди.

8. Қурол ва ўқ-дорилар фавқулодда ҳолат даврида фуқаролардан вақтинчалик олиб қўйилади.

«Халқ сўзи» газетаcининг телеграм канали