Қарақалпақстан Республикасы Әдиллик министрлиги тәрепинен пуқаралық жәмийети институты ўәкиллери менен ушрасыў болып отти

Жәмийетшилик шериклик- мәмлекетлик органлардың мәмлекетлик емес коммерциялық шөлкемлери ҳәм пуқаралық жәмийетиниң басқа институтлары менен мәмлекетти социал-экономикалық раўажландырыў дәстүрлерин, соның ишинде тармақ, аймақлық дәстүрлерди, сондай-ақ норматив-ҳуқықый ҳүжжетлерди ҳәмде пуқаралардың ҳуқықлары ҳәм нызамлы мәплерине байланыслы болған басқа қарарларды ислеп шығыў ҳәмде әмелге асырыў бағдарындағы бирге ислесиўи тараўындағы қатнасықлар есапланады.


2018-жыл 2-ноябрь күни Қарақалпақстан Республикасы Әдиллик министрлиги тәрепинен пуқаралық жәмийети институты ўәкиллери менен ушрасыў болып отти. Ушырасыўда жәмийетлик шерикшилик тийкарында бирге ислесиў арқалы халықтың социаллық қорғаўға мүтәәж қатламы турмысын жақсылаў, мәҳәллелерди раўажландырыў, мәкан пуқаралар жыйынының искерлигин жақсылаўға жәрдемлесиўге бағдарланған жойбарларды ислеп шығыў сыяқлы мәселелер додаланды.


Мағлыўмат ушын атап өтиўимиз керек, бүгинги күнде министрлик тәрепинен 652 мәмлекетлик емес коммерциялық емес шөлкемлери дизимге алынған, 491и мәмлекетлик дизимине, 161 мәмлекетлик емес коммерциялық емес шөлкемлери есап дизимине, 14 төрешилик суды ҳәм 52 диний шөлкемлер дизимнен өткерилген ҳәм искерлик көрсетпекте.

Бўлимлар